الحركة الزياده و محاوله لفت انتباه الاخرين

دكتورة مني..السلام عليكم…انا كنت جيت لحضرتك قبل كده عشان حركة ابني الزيادة و حضرتك قولتيلي انه كويس و ان طريقتي معاه محتاجه تتغير هو دلوقتي 5 و 10 شهور..بيلعب رياضه و بيحفظ قران و بياخد كورس كمبيوتر..و انا بحسه شاطر بس محتاج تركيزه يزيد شويه و قله التركيز دي موجوده من كتر حركته و رغيه الكتير اوي اوي اوي لدرجة شكوة كل الناس من الموضوع دهو حاوله الغناء او عمل اي شئ للفط انتباه الناس له في اي مكان…انا مش بضربه خالص …بس بزعق كتير بسبب الموضوع ده..طول ما انا مركزة معاه هو قاعد و كويس اول ما احاول اعمل اي حاجة تانيه يفضل يتكلم و يشوش علي اي حاجة و حركة مش بتبطل بقي..مهما وعدت بحاجات عاوزها..ايه الحل معاه؟

الأخصائي : عبد الله يوسف

الأجابة :

1- تحويل الاشياء المزعجة اللي بيعمله لحاجات مفيدة
مثل
أ‌- شغله بتسجيل أناشيد بصوتة على الهاتف ورفعا على اليوتيوب
ب‌- حكي قصص وتسجيلها
ت‌- عمل نصائح وتقديمها للأطفال على السوشيال ميديا تحت رعايتك
2- تخصيص 30 دقيقة على الاقل لعب مع الطفل لعب حركي يفضل
3- تخصيص20 دقيقة للحوار مع الطفل في الموضوعات اللي تهمه
4- بلاش تقابلي العصبية بعصبية زيها