ابني عصبي

السؤال

عندي ابني عنده ٣ سنين و ٤ شهور
هو عندي جدااا وعصبي ومظهرش الموضوع دا اوي غير لما دخل المدرسه هو حاليا بلاي
كل يوم تقريبا يبعتولي انه هو مش بيسمع الكلام ومش بيلتزم بالي يتقاله
ولما اتكلمت معاه أنا ووالده بقي كويس أسبوع ورجع تاني أسوأ

هو مثلا من يومين قلع الشوز والشراب ف الفصل وبقي يحدف أصحابه غير انه بيشخبط ف كتاب زميلته
انهارده ضرب الميس وأي حد كان بيدخل انه يهديه يضربه

حاليا مش عارفه اتعامل ازاي معاه

الاخصائي : عبد الله يوسف

الاجابة :
اهلا بحضرتك
سؤال هل هو في البيت كده ؟؟؟؟؟
لو ما كنتش حركته ملاحظة أنها أعلى من العادي ومصاحب ليه تشتت واضح في الانتباه يبقي حضرتك وبابا ممكن تكونوا بتستعملوا اسلوب خطأ في التأديب
1- لو بنضرب هنبطل ضرب
2- هنبطل رسائل سلبية
3- هنبطل لو دائم
4- هنستخدم التشجيع والمكافئة
5- هنخصص له وقت دائم مستمر يومي 30 دقيقة على الاقل لعب معاه هو لوحده
6- إعطاؤه الفرصة للحديث والتعبير عن نفسه
7- تكليفه بمسؤليات مناسبة لعمره
8- توجيهه للعبه رياضية تعتمد على السوسيدي كتير
9- ماتنسوش حدوتة قبل النوم والحنان
اما لو المظاهر الحركية دي واضحة في البيت يبقي لازم عرضة على طبيب نفسي للتأكد من عدم وجود مشاكل فرط حركه ومن هنا لحد ما تتوجهوا للطبيب اشتغلوا معاه تدريبات ثبات مش هضر سواء عنده او لاء أعملي سيرش عليه هتلاقيها متوفرة بشرحها

0
Nahlah abdelaziz سنتين 0 الإجابات 441 مشاهدات