متى يبدأ العند عند الاطفال؟؟؟

بنتى عمرها سنة و 3 شهور عندها مميزات كتير حلوة بس عندها عيب مش عارفة ازاى اصلحه , هى بتبقى عنيدة فى بعض الامور من وجهة نظرى ( معرفش بيبتدى امتى العند ) مثلا لما تبقى عايزة حاجة وهى غلط عليها  شىء حاد , موبايل مع انها كسرت 4 قبل كده , عايزة تاكل بنفسها ومش عارفة ورافضة انى اعلمها ازاى تمسك وتاكل , مصممة تشيل حاجة تقيلة ومش قادرة وعاوزانى انا اللى اشيلها …… واكتر حاجة انها عايزة طول الليل تبقى فى وضع الرضاعة مع انها مش بترضع فعليا واول ما بتروح فى النوم وانام جنبها تقوم وتصرخ كان فيه حد داس عليها ومتسكتش غير لما ارضعها تانى ونفضل طول الليل ع كده ( مبعرفش انام ساعتين متواصلين ع بعض والله ) انا عارفة ان السن ده عنده فضول وعايز يستكشف كل حاجة وبساعدها فى كده بس فيه وقت ببقى عايزة اعمل فيه حاجات ومينفعش افضل شايلاها على دراعى وانا بعملها فبضطر اسيبها ع الارض فتفضل تعيط جامد وانا مبستحملش اسمع صوت عياط فبشيلها وبحاول اعمل الحاجة تقوم تحاول تعمل معايا مما يؤدى لحدوث ضرر ليا ( غضروف , ضغط عصبى فظيع , صداع دائم …)

هى ابنتى الاولى ومش مشغولة بحد غيرها ومش مقصرة معاها والله خالص بس مش عارفة اعمل ايه فى حالتها دى؟

أخصائى : دعاء اليمنى

الاجابه :

السلام عليكم ورحمة الله
مشكلة حضرتك متعلقة بتعلق بنتك بيكي القوي….
ولكن انا اكاد اجزم ان المشكلة في تعلق حضرتك اولا بيها
وصفك للوضع واستجابتك لها واخر جملة انها الطفله الاولي….
كل هذه العوامل تؤدي الي ما نحن بصدده….
حبيبتي الفطام ليس فقط فطام الرضاعة الفطام هو استقلال الطفل تدريجيا واعتماده علي نفسه ولكن في هذه الحاله الطفلة صغيره جدا
وفعلا يجب مرعاة انها تكون بجانبك وتنام بجانبك حتي سن السنتين
ولكن يجب تأهيلها تدريجيا علي الالتزام
ولا يأتي ذلك بالزعيق والصوت العالي ولكن بالحزم والصبر عليها وليس التدليل
بمعني
1.لا تستخدمي كثيرا في حديثك معها كلمة لا او no او كلمات تحمل معاني تؤدي الي العند والرفض…لان الطفل كائن مقلد
2.من المستحب في هذا السن اللعب بالمكعبات او الصور او الكتب والقصص الملونه بصور كبيره او كروت كبيره للفاكهه والخضروات وايضا المجسمات فهي تساعد علي تنمية اللغه والمهارات العقلية المختلفه
3.الطفل العنيد ذو شخصية قوية وقيادية يجب علينا مرعاة ذلك وتقويمة وليس كسره
4.لا تستجيبي للبكاء والصراخ واصبري حتي تتعود علي ذلك لانها تعلم جيدا انها سوف تنتصر في النهاية

وبالوقت والصبر سوف تمري من هذه المشاكل ولكن لا تملي ولا تستجيبي لسلبياتها حتي يتم التقويم

بارك الله لك فيها