ابنى سبع سنوات ونصف مش متعود على الاختلاط ساعدونى !!!!

السلام عليكم ورحمه الله وبركاته

ابنى سبع سنوات ونصف اول طفل ليا واول حفيد فى العيله  من صغره مش متعود على الاختلاط باقارب او جيران او حتى ابناء اصدقائنا لان علاقتنا الاجتماعيه قليله جدااا فكبر على عدم القدره على تكوين صداقات او حتى التعرف على اطفال جديده هو متعود جدا على اولاد خالاته وخاله ويندمج معهم فى اللعب والكلام لكن مع الاغراب لا وفى المدرسه متفوق جدا دراسيا لكن ملوش اصحاب واشتركت له فى تدريب سباحه المدرب قالى نفس الكلام انه منطوى ولازم يندمج مع اطفال اكتر مش عارفه اعمل ايه خاصه ان حياتنا كده مفيش مجال فيها للخروجات او العلاقات الاجتماعيه ازاى اخليه يندمج مع الاطفال الاغراب عنه وهل لو فضلنا كده هيأثر عليه لما يكبر فى شخصيته

الاخصائى / دعاء اليمنى 

الاجابه :

السلام عليكم ورحمة الله

مشكلة الطفل الاول في العائلة او الطفل الوحيد دائما هي عدم القدره علي تكوين الصداقات

بس ديه مشكلة حلها سهل جدا وبالوقت
انا عارفه ان اصعب مرحله بداية دخول المدرسه والتعرف علي اصدقاء جدد
بس بالوقت وبتدريب الطفل علي فن التعرف والقرب من الزملاء المشكلة بتحل فورا
اولا يجب مناقشة الطفل دائما عن يومه ومعرفة من مقرب له في المدرسه او بيرتاح معاه في اللعب والعمل علي التقرب منه ولا مانع من الخروج مع الام والطفل في نادي او فسحه مرتبه لكي يزيد التقارب والود بين الاطفال

ايضا تبادل الهدايا البسيطه مثل شيكولاته ادوات مدرسيه بسبطه بين ابني وزملائه في مناسبه او تعبير عن الحب بينهم

لا مانع من عزومه بسيطه لزملائه المقربون في بيتي لكي اتيح لهم فرصة اللعب والتعارف عن قرب

اما النشاط الرياضي انصح حضرتك بالالعاب الجماعية لان السباحه ليست لعبه جماعية يفضل بجانبها لعبه تنافسيه جماعية يتعلم فيها الطفل فكرة الجروب والخطط مع الاصدقاء والتنافس الجميل وفتح الحوارات

وتأكدي بالوقت ومزيد من التعامل السابق شرحه سوف تتلاشي هذه المشكله تماما

بارك الله فيه