اسمحولي بدردشة تخص كتير مننا. .لاني بقابل ناس في شغلي محبطة جدا ، وعندها أزمة حقيقية انهم مقبلوش موت وفقد شخص عزيز عليهم …بعد مرور سنين… وكأن للوقت بصمة بتثبت قيمتهم أكتر جواهم وبيبقوا غاليين اكتر ومناقبهم وحسناتهم تظهر لهم لدرجة انهم ممكن جدا يشوفوا نفسهم بيعيدوا سيناريو وراثي لهم … مع رصييييد من الحزن المتصاعد … مع زحمة الحياه والانشغال بنعمل حاجات كتير لنفسنا علشان ندور على الحب والاهتمام وجايز عايزين نلحق الوقت قبل العمر مايفوت. …ويخلص مننا..نفسنا ..إحنا مين قال أننا عايزين نكمل حياتنا قبل ما عمرنا يخلص؟ ..مين يعرف هو حيخلص امتا ؟ الناس بتموت بس لما عمرها بيخلص. …يبقا كمان حنستنى وقت وهمي مستحيل حد يعرفه ولا يحدده!!!!!. …مستحيببيل!!!!!! اكتشفت انهم متمسكين باللي ماتوا أو رحلوا من حياتهم لمجرد انهم مواجهوش نفسهم بحقيقة مهمه. ..انهم يقبلواااا فكرة الفقد… آه عايشين لكن الألم سببه انهم مقبلوش ومعترفوش لنفسهم ب دا … قبول الفقد مع صعوبته – نظرا لقيمتهم – ….إلا أنه بيلطف كتيبير مشاعر لها ظل وانعكاس نفسي ريحته ( مش حياه ) وأيام وبنعيشها. …ملهاش طعم و مسلوبين إرادة حياة وهبها لنا الله عزوجل وامهلنا فرصة ….نعيش..ونكمل الحقيقه ان الحل بيكون بدايته( القبول) ومعاه شوية أفكار جديدة عن نمط الحياة اللي عايزينه بدون مخاوف واطلال بنكبر حجم وجعها جوانا بالغلط..لحد ما تحبسنا ونتزنق ولا إحنا طلعنا ولا عارفين نرتاح! خلوا الذكرى لوقت الذكرى ..بوقارها. .. وعيشوا الحياة بالممكن والمتاح. ..بالحب ونجاحات تخلي صورتنا من جوه حلوه. … رتبوا دنيتكم مع اللي بتحبوهم. ..واسمحوا للي ماتوا ومشيوا بوقتهم في الحزن وجددوا ذكراهم بالدعاء وعمل حقيقي ينتفعوا به … اعملوا لنفسكم سيناريو واتنين وتلاته واختاروا اكترهم مرونه واللي ميعجبكش اشطب وعدل وغير. ..وتسلم ايدك في كل مرة حتحاول فيها ….بجد تسلم ايدك هواياتك. ..ولادك. ..حبايبك. ..حبيبك أو حبيبتك. …سعادتك والأيام اللي جاية تستاهل وتسوى على فكره. ..واللي بيشاركوك ايامك دي من حقهم عليك وحقك عليهم تعملوا ذكرى حلوه وألبوم لطيف للي جاي … طول ما انت عايش….
اهربوا واخرجوا بره فكرة العمر جري وخلص وفكرة أن الحياة بتسلمنا للا حياة.؟؟؟ …. مين اللي قال كدا!؟!؟! قبول المشاعر ومصارحة الأفكار حتغيرنا وتنقلنا لحته حلوه اوي برانا. .. مساحه جديده فيها ألوان مريحه تتعاش وتتحس وتتشاف. … أدي نفسك فرصة أهدى وأقبل وارضى وكمل بكل قوتك واحساسك ومتتنازلش عن نصيبك من هبة الخالق. … تحياتي. ..لكل قلب ينبض حياه
