الكلام في الماضي ومحاولات الفشل واللانجاح مش اكتر من استدعاء للألم من العمق حسب وقت وقوة المشهد وحتى الخساير اللي كانت موجوده فيه كلام يهد للأسف وبيعمل حاجز نفسي مخيف…اللي عدى فات خد الدرس وشوف الإيجابي فين وكمل … وهاتي يا حياه
المستقبل المرهون خطواتك فيه بمخاوف ملهاش حصر ولا لها وجود كامل بس بنستدعيها من المجهول عشان نعملها فزاعه ومنعديش وننجز خطوة لأدام. .بردو كدبه كبيره وسجن مزعج
وبتكمل على باقي الأمل اللي محتاجينه عشان نعمل حاجه مفيده بنحبها. .. ..بلاش ننادي على الخطر ونحضر العجز بدل الإنجاز. .نقطة وللامام سر. ..كمل وكمل وحقق اللي تقدر عليه مهما كان بسيط. .لكنه جميل وسبب للسعادة والاتزان. ..مش مطلوب الإتقان أد ما مطلوب الإنجاز والمحاولة. …
لو قررنا نفكر في اللي جاي بكل حب واستمتاع بالحياة حنعيش مرتاحين وجوانا سلام نفسي جميل… لحظة ما جوانا يشوف النور دا بنتخلص من الديون النفسيه ونرجع قيمتنا الحقيقيه. .قيمتنا في نفسنا ولنفسنا. …
