زن زن زن … صفه متعبه فى حياه كل أم .

زن زن زن …….

أخصائى : دعاء اليمنى

صفة متعبه جدا في حياة كل ام
ابني زنان بنتي عيوطه …
مفيش طلب الا بألحاح وفيش كلمه الا بعياط وزن…….
اعمل اييييييه؟؟؟؟؟؟؟
هو يعني ايه طفل زنان ….
الطفل الزنان هو طفل طبيعي معندوش مشكله الا انه بيطلب كل حاجه بألحاح وزن…
مع ان الطفل ده في معظم الاحيان بيكون طفل زكي جدا لانه مثابر وطويل البال قيادي واثق بنفسه وعارف انه هياخد اللي عاوزه
ديه صفات حميده بس للاسف متوظفة غلط…..
وده لانه مش عارف لسه كل الصح وكل الغلط ميعرفش يعني ايه صبر…..
عادتا الطفل لحد عمر الثلاث سنوات يجهل تقدير شعور الاخرين واحتياجتهم وامتي يطلب وامتي ينتظر …..
كل المطلوب منا اننا نثبت ولا نستجيب للزن مهما حصل….
لان هو عنده القدره علي المثابره بشكل فائق وتحدي لا مثيل له….
خليك انت ازكي منه….خليك فعل مش رد فعل…..
وللاسف بعض الاسر مع تكرار الزن والعياط بتقوم بتعنيف الطفل جدا واحيانا الضرب وبعد معركة شديده ينتصر فيها الطفل غالبا ويأخذ ما يريد لاننا ارهقنا جدا…..
ده مش حل كده انا كبرت المشكلة واصبحت اكثر تعقيد….
واكسبته صفات سلبيه جديده فوق مشكلته الاصلية…..
سؤال…..هو ليه الطفل بيزن اصلا؟؟؟؟
1.شعور بالملل وانه عنده فراغ كبير
2.بيقلد حد شافه بيعمل كدا ونجح
3.الدلع الزائد وتلبية الرغبات بلا حساب ولا نظام
4.وممكن يكون بيعبر عن ذاته واهميته وسط الاخرين
سؤال……هو كل الولاد شبه بعض في الزن؟؟؟؟؟؟
لا طبعا اكيد كل واحد بيتميز بطريقة زن مختلفة عن الاخر
واحد بيلح ويكرر الكلام بلا انقطاع عشان يتنفذ
التاني بيعيط ويهبد ويخبط راسه في اي حاجه عشان تنفذي
التالت بيستغل وجودك مع الناس او كلامك في التليفون ويبتدي يزن
ديه تقريبا اشكال الزن…..
السؤال الاهم والاخير
هو في حل للطفل ده يعني ممكن يبطل زن وألحاح؟؟؟؟؟؟؟؟؟
طبعااااااااا
الحل في نقاط محددة
1.خلي يوم الطفل منظم من اداء المطلوب منه…التلفزيون…الكرتون…التاب…كله بمواعيد محددة
2.بلاش التحدي في الكلام وان كلامي لازم تنفذه غصب عنك وهو كده ومفيش تفاهم….متنسيش اننا اتفقنا انه حد قائد وعنده شخصية مستقلة وده صراع علي السلطة بينكم
الطفل ده التفاهم معاه بالمناقشة والاقناع….والحزم في رد فعلك اهم من كل ده…
3.لا تقومي بنقد الطفل او احراجه امام الناس وخصوصا عند طلب اي شئ واختاري كلام مشجع واشكري فيه (اتلككي للثناء عليه)
4.عند فعل اي تصرف ايجابي منه مهما كان بسيط حتي لو قعد ساعه مزنش فيها شجعيه جدا وبيني له انك سعيده اوي بفعله…
طلب اخير خليكي متوقعة لما تغيري اسلوبك الجديد وتكوني صبوره هتكوني في مواجهة لتحدي جديد واصرار علي الزن لفتره بس مش طويلة
ارجوكي الثبات والتصرف بوعي ومن فضلك لا تعيري لاخرين اهمية وانت بتربي اولادك….
بلاش تتأثري برد فعل الناس من نقد ليكي او لطريقتك مع اولادك ويكون رد فعلك بالعنف او بالتسيب راجع لده
انتي ثابته طول الوقت علي نفس الاسلوب مهما حصل
الثبات تربية ……
انتقل إلى أعلى
× تريد المساعدة؟