لست وحدك

لست وحدك؟؟

الاخصائى :ريهام ابو سنه 

احساس مختلف لما بشارك مشاعري وافكاري مع مجموعه أحس وانا معاهم أد ايه متونسه بهم وحاسه بأمان وإني مش لوحدي..
مهما الإنسان بيوصل لنجاح في حياته أو إنجازات مهمه بيحققها ،بيفضل جوانا حته محتاجه سند ..محتاجه ايد تطبطب أو حد يفهمك ويقول لك انت مش لوحدك على فكره ..
وايه يعني لو غلطنا
ايه يعني لما نتعلم عشان نكمل مطمنين ومنقعش تاني
وماله لو قلت آي. .تعبت محتاج ارتاح ..
أوقات من كتر الضغط وسكوت مش صحي؛ بنحبس تعبير جوانا وبنتحبس معاه مش عارفين نطلعه برانا ؛لكن بنكمل بتعب وإجهاد لمجرد الحبسه في المشاعر أيا كانت الأسباب. ..
لما نساعد نفسنا ونحس أننا عايزين نقول ونعبر …يبقا الأحسن أننا نميز مشاعرنا ونقولها ونخفف حمل على نفسنا ملوش مكان ولا له داعي …
المشاعر … ومشاركة حد تثق فيه وتحس انك إنسان متونس ومش لوحدك
يساوي جرعة أمل في لحظة حياه. .

انتقل إلى أعلى
× تريد المساعدة؟