كل ما ابص علي حياتي اقول انا زوجة شاطره انا ام ناجحه ان ست بيت ممتازه ……
لا حبيبتي انتي ربنا موفقك وميسر لكي فقط اعلموا جيدا ان ما انتم فيه من نعم هو رزق وتوفيق من الله… بلاش نبص للاقل مننا وغير موفق في زوج صالح او ابناء متربية كويس بنظره قليلة وكأنهم قصدين يعملوا كدا في نفسهم….
التربية السوية والاولاد الصالحين رزق من الله عز وجل ونعمه يجب الشكر والحفاظ عليها
واللي ربنا اكرمه بده مش شطاره منه ولا تميز في عقله لا ده رزق ربنا خصه بيه وهو القادر علي نزعة وتبديله اي وقت شاء….
بلاش ننقد بعض بشكل غير لائق ونتهم بعض بالتقصير في الاختيار والتربية والتصرفات…. وكم منا ينتقص في داخله من حوله من اشخاص اقل منه مالا وجاها ومستوي معيشه واولاد ليسوا من مستوي اولادهم ولا في تربيتهم واخلاقهم وتشعر بالفخر بالانجاز العظيم….. ولا نقول بداخلنا ان ما نحن فيه من نعم هو من عند الله …. وان من المحتمل ان يتغير حالي في يوم وليله واصبح مكان من انتقصته وهو مكاني وصلح الله له حال اولاده…..
ويوجد اخرين ينطقوا بكلمات موجعه …( هو ابنك ليه عصبي….هي بنتك ليه بترد عليكي…هو جوزك ليه مش بيساعدك ولا مهتم بيكي….هما ليه ولادك متعبين ومش شاطرين في المدرسه هو ازاي انحرف كدا…هو بنتك ليه مصاحبه ولاد وانتي مش قادره عليها)
تخيلي كل الضغط ده علي انسان منتهي نفسيا وشايف تعب وعناء وانتم بتكملوا عليه……
رفقا بقلوب لا يعلم حلها الا الله
ونتعلم ثقافة الحمد والشكر لله علي نعمه الكتيره وعلي رزقه الوفير…واننا تحت رحمته ….
(يعطي الخير والرزق وقادر علي نزعه) تفكروا جيدا في هذه العبارات معي كي نعيد حساباتنا وطريقة تعاملنا مع من حولنا ولا نكون عبء عليهم احنا والزمن….. ………………. فالنعترف بان الابناء رزق ونعمه وصلاح اخلاقهم رزق ونعمه و حسن تربيتهم رزق ونعمه واحترامهم لنا رزق ونعمه وحبهم لنا رزق ونعمه وتوفيق الله لهم رزق ونعمه
