الاخصائى / ريهام ابو سنه وقفت كتير ادام الجملة دي – من منظور شرقي بحت – ..لقيت أن نسبه من الناس بيشوفوا الجزء التاني بس منها ‘قوية’… بمعنى التسلط والجبروت وحب السيطرة والشخصية الغيرخاضعه !! وبيبتدي يتعامل مع المرأة كأنها بلا مشاعر انثوية تلح عليها بمتطلبات الحب والاحترام والاحتواء وتبادل العطاء وتفهم وتفاهم؛ طيب فين الجزء الأهم من الجمله ؟؟؟ “ست”…امرأه ..أنثى ..الجمله دي لو اتاخدت على بعضها حتكون ناجحه على فكره للطرفين ، ومكتملة المعاني .. لما ربنا سبحانه وتعالى يقول في كتابه العزيز “وخلق الإنسان ضعيفا” ..يبقى نحاول نعيد صياغة المفهوم ده ( ست قويه) لأنه مرهق ومش واقعي أو على الأقل لا يتناسب مع طبيعتنا كبشر…. ونقول ست مسؤولة، واعيه ، يعتمد عليها ، انسانه ، عاقله ..الخ
نتعامل بالمعاني التي يسهل علينا التفاعل معها ومع نفسنا ومع الآخر … أعتقد أنه ده الأنسب والأكثر واقعية والمستساغ لمشاعرنا يارب أكون جاوبت على السؤال بشكل واضح ومفيد ..
