الطريق طويل
لسة طويل ..
بصوا كدة علي امتداد البصر و حاولوا تشوفوا ..
كل قيمة و كل معني جميل…
زرعتوه في نفوس أولادكم
لمسات الحب
ولحظات الدفيء
و كل اهتمام حقيقي
وصلتوه ليهم
صبركم عليهم
و إحتواءكم ليهم
وقت الخطأ و الضعف
كل موقف منكم فيه حكمة
وجودكم أمامهم كقدوة
إحسانكم في أدواركم
دعائكم ليهم
كل مهارة إتعلموها
وكل مشكلة عرفوا إزاي يحلوها
والأمان و الثقة اللي حسوهم وسطكم
كل ده جهد و تعب
مش ممكن يضيع في نهاية الطريق
بس إحنا لسة في أوله
متستعجلوش عليهم
ودايما
لسة فيه فرصة جديدة
في كل لحظة
بس افتكروا دايما
إن الزرعة محتاجة وقت علشان تكبر وتثمر
و قد إهتمامكم بيها
وصبركم عليها إن شاء الله
حتشوفوا ثمارها الطيبة…في وقتها .
بقلم
أ / مروة الحبشي
أخصائية الإرشاد النفسي والتربوي .