استغاثه……
ارجو من كل ام وكل ولي امر طفل دون سن المدرسه اي سن الحضانه ….ان توجه طفلها الي ما هي الملكية الخاصة …
في حاجة اسمها الملكية الخاصه ياخوانا….
جسمك ياحبيبي ملكية خاصة…مينفعش حد يلمسه او يشوفك وانت في حمام المدرسة ولا حتي الناني ….
انت راجل كبير وانت انسه جميلة مينفعش حد يساعدني انا شاطر لوحدي …
طيب انا يامامي مش بعرف استخدم الشطاف…جامد…بيغرقني….مفهوش ميه….بلاب ….بلاب
مهما كان السبب متخليش حد يدخل عندك…استخدم وايب..تيشو….ولما تروح هتاخد شاور…..
طيب صاحبي بيقولي ندخل سوا عشان بخاف….قوله اسف محدش ينفع يشوف حد…ولا يدخل معاه….
عشان كده يا ماميز ممكن نعلم اولادنا من فضلكم يدخلوا لوحدهم الحمام في البيت وادربه كويس جدا لاستخدام التويلت ….لوحده
بلاش اتكال ولادي على يدخلهم في دائرة تحرش وهما مش عارفين ايه اللي بيحصل ليهم….
او يدخلوا في دائرة ….عادي….. اللي بقت في لسان كل مستهتر….
عادي لما ادخل صاحبتي غرفتي وانا بغير…..
عادي اخويا يشوفني وانا بغير او في الحمام….
عادي اقعد علي رجل عمو فلان …
عادي الامن بيبوسني لانه بيحبني اوي…
هنفضل في عادي لحد ما نصرخ فجأه ايه ده مين اللي عملك كده هيرد بمنتهي البساطه ويقولك…عادي…
ارجوكم حافظوا علي خصوصية اولادكم وده بيجي بالممارسه اي استخدام السلوك ده في الاسره….
في حاجه اسمها غرفه نوم ماما وبابا في حاجه اسمها بغير هدومي الباب مقفول في حاجه اسمها ممنوع تدخل معايا الحمام حبيبي انت كبير ….
انا لو عرفت امشي بيتي من غير كلمة عادي عمر ابني ما حيقول عادي …
اعزكم الله وحفظ لكم زرياتكم……