الام شمعة تحترق ؟؟ تعبير جميل وقفت عنده كتير … مش المفروض احترق لإسعاد من حولي ابدا … مش دي الرسالة اللي ربنا جعل الجنة لها جزاء .. مش المطلوب نوصل لمرحلة الضغط العصبي والنفسي من ممارسة الامومة … انتي فين من كل المسؤوليات اللي عليكي!؟ … مين بيهتم بيكي ؟؟… مين بيسأل عليكي وياخد باله منك .؟!؟… الشمعة مش بس بتحترق .. دي كمان بتنور ليا وللي حوالي .. الشمعة امل … الشمعة وسيلة …. لكن الأم مصدر للحياة …
من جمال الامومة انك متنسيش نصيبك من اسعاد نفسك والاهتمام بها بالشكل اللي يرضيكي مع اهتمامك بأسرتك .. اعرفي قيمة نفسك وقدري ذاتك … عيشي الحياة مشاركة مش بس عطاء …. التضحية معني جميل بس عيشيه معاهم … لك و لهم … حبي نفسك و خلي بالك من هبة الخالق للروح الجميلة اللي وهبهالك …علشان تقدري تكملي مسيرة حياتك بسعادة و استمتاع … انت نعمة كبيرة … “إن أحسنتم أحسنتم لأنفسكم وإن أسأتم فلها”.