كم منا الان وفي هذا الزمن يشعر انه يسبح عكس التيار….؟؟؟؟؟؟
الاخصائى / دعاء اليمنى
اشعر احيانا باليأس الشديد .. مجهود …تربية…مواعظ…حرام…حلال….خلي بالك حبيبي….عيب حبيبتي….. ااااه وبعدين انا وحدي قصاد كل المغريات ديه…لبس خليع….سجاير …شيشه….قدامهم في الشارع بمتهي السهوله…ميديا مفيش ورها حاجه غير أفسادهم…. وانها تشيع الفاحشه في الذين امنوا….
تبقي انت بتربي وتعلم وتصحح اخطاء وتحلم لهم بالمستقبل والعلم والدين وفي لمح البصر يشوف ممثل فاشل علميا واخلاقيا وما خفي كان اعظم قاعد جنب رئيس الجمهورية والوزراء كأنه سفير للاخلاق ورائد العلم… وفي نفس الوقت يشوفوا العلماء والشرفاء واصحاب القلم والكلمه ليس لهم وزن ولا قدر ومهمشين….
بالله عليكم أي عقل يقدر علي استيعاب كل هذه التداخلات…
كأن المجتمع بيوصل رساله لكل شاب وفتاه ….(كل ما يزيد الانحراف يزيد الشهره والمال وللاسف الاحترام من المجتمع)
لكن لحظه…… لما تمر بكل ده مع اولادك بلاش تيأس وترجع في طريقك الصحيح ابدا كلام ربنا ورسولنا الكريم والسلف الصالح وعلماء الدين مفهوش شك ولا ريبه… البذره الصالحه مش هطلع نبت شيطاني ابدا….
يعني ايه الكلام ده؟؟؟؟؟؟
-يعني مش هبطل اصلي واخلي ولادي يصلوا -يعني مش هبطل انصح واربي واقرن كل حركه بالحلال والحرام ومراقبة الله في كل عمل -يعني مش هبطل اخاف عليهم وراقب واصاحب واعظ -يعني مش هبطل ادي امثله للشرفاء والعظماء في العلم والدين -يعني مش هبطل اكون انا نفسي مثل ليهم انا وابوهم … يفتخروا بيه حتي لو شفونا موضة قديمه وناس مش عايشه الواقع -يعني هفضل ام وهتفضل اب ونقوم بدورنا لحد ما نسلم الامانه او يقضي الله امرا كان مفعولا
نداء اخير من قلبي ……. لكل الاباء والامهات والمربين والقائمين علي التربية والتعليم يا اصحاب المدارس والمعاهد والجامعات…… اجعل عملك خالص لوجه الله تعالي …انت تحمل امانه من ارقي واعظم الامانات علي الارض وهي تربية وتنشأت بني ادم …… مهمه ليست بهينه..
اهتموا بالتربية ولا تخافوا في الحق لومة لائم ….. #ممنوع التهاون في لبس البنات داخل محراب المدرسه او الجامعة #ممنوع الاختلاط بشكل غير لائق واتخاذ اقصي عقوبه مع من يخطىء #ممنوع الرد والاصوات والتجاوز داخل اسوار تلك الاماكن المحترمة
لو اجتمعنا جميعا علي كلمه واحده وهي تربية صحيحه تساوي مجتمع سوي وكلنا بقي لينا نفس رد الفعل من الرفض والعقاب ….اعدكم ان نري في القريب العاجل مجتمع يفتخر بيه العالم …..
سامحوني لان الحال بقي يوجع القلب…. واخترت الوقت ده بالذات لقرب دخول المدارس والجامعات ….
