اتعلموا ازى تحبوا أولادكم ؟

اتعلمو ازى تحبوا أولادكم ؟؟

أخصائى : ريهام أبو سنه

التربيه بالحب

اتعلموا تحبو ولادكم وتحترموهم وتحتوهم وتظهروا فخركم بيهم وتعرفوهم قد ايه هما مهمين فىحياتكم وانكم بتحبوهم زى ماهم… بدون شروط؛ مش لذكاء دراسى او وسامه شكلهم او صوتهم الواطى ..والخ .حبو ولادكم زى مهما واحترموا اختلافهم عنكم( وانهم خلقوا لزمان غير زمانكم.. )
اولادنا في أشد الحاجه انهم يحسوا انهم متشافين بعيون حد مهم ، وفى مرحله طفولتهم اهم الاشخاص في عنيهم هما الاب والام احضونهم وطبطبوا عليهم …بتفرق جدا …
استثمروا في ولادكم؛ حوشوا معاهم كل كلمه حلوه وكل لمسه طيبه وكل حضن حنين علشان لما تكبروا تلاقى عندهم ليكم رصيد كبير ،خلى ابنك او بنتك مشروع يقربك من ربنا ويبقا حجه لك في دخول الجنه .. ولازم نعرف أن الاهانه للطفل سواء لفظيه او جسديه ماتنفعش وحتأخر علاقتنا بهم كتير وربنا هيحاسبنا عليها… احترامنا لأطفالنا ده واجب علينا مش فضل اوكرم منا خالص على فكره !!

تم إقفال التعليقات.

انتقل إلى أعلى