ازاي اتصرف مع بنتي 3سنوات جنسيا

السؤال

السلام عليكم

بنتي 3 سنوات من حوالي 3 شهور و هي بتعمل حركة بتضم رجلها الاتنين علي بعض و تشد نفسها و من الواضح انها بتحس بنشوة مع الحركة دي…اول مرة اخدت بالي كانت باين عليها انها بتعمل مجهود و زي سرحانة شوية و كانت بتعمل كده و هي نايمة علي بطنها ….لما اتكلمت معاها وقولتلها بلاش تعملي كده بقت بتعمل نفس الحركة ممكن وهي قاعدة او واقفة وبدأت تفهم ان انا وباباها مش حابين انها تعمل كده ولما تشوفنا لو كانت بتعمل كده تقوم بسرعة وتقولنا ماكنتش نايمة علي بطني

انا بحاول شوية اسهيها وشوية اخوفها من الحكاية دي بس مافيش فايدة مش بتبطلها وبدعي ربنا كتير انه يصرف عنها …لدرجة اني فكرت اني اعرضها علي دكتور عشان تكون محتاجة عملية ختان…ياريت يا دكتورة تقوليلي رأيك و جزاك الله خيرا

الأخصائي : نور سامي

الأجابه :

وعليكم السلام ورحمة الله وبركاته
اهلا بيكي
مرحلة اللي بتمر بيها بنتك دى مرحلة طبيعية من النمو الجنسي الطبيعي وبتظهر من بعد ٣ سنوات لحد ٥_٦ سنوات علي الاقصي وبتتميز المرحلة دى باستكشاف الاعضاء التناسلية وبعد إرضاء الفضول دة عندها في مرحلة اسمها مرحلة الكمون لحد البلوغ باذن الله
كل اللي عليكي انك متركزيش علي الموضوع وتتجاهليه وفي نفس الوقت اشغليها باي طلب حتي ولو ثواني ولو ظهر أي أسئلة فضولية عن الأعضاء الخاصة حاولي تردي بشكل سليموبسيط يناسب سنها ملوش داعي التخويف أو معلومات غلط
الموضوع هياخد وقته وهيقل بالتدريج وربنا يحفظها.

 

0
eng_asmaa87 سنتين 0 الإجابات 619 مشاهدات