ماما انتى بتحبينى؟؟؟؟

ابنى 5 سنين وهو اتأخر شوية فى الكلام. .مؤخرا بدأ يسأل السؤال اكتر من مرة زى ” ماما انتى بتحبينى؟ ارد عليه ويعيد السؤال مرة تانية وهكذا. .هل ده ليه دلالة مرضية ؟؟

وشكرا

الاخصائى / نورهان سامى 

الأجابـــــــــه : اهلا بحضرتك اتشرفت بالرد على استشارة حضرتك فى البداية سؤال حضرتك يحتاج الى تفاصيل اكثر هل االطفل يتحدث بجمل طويلة ومترابطة من 5-7 كلمات ؟ هل بياخد جلسات تخاطب؟ هل الطفل ليه اخوة اصغر منه؟ ما هو اسلوب التشجيع او العقاب مع الطفل ؟ .مبدائيا سؤال الطفل لامه عن مدى حبها له وتكرار السؤال بصورة ملحوظة ده مؤشر على عدم شعور بلامان التام ودة بيحصل عند التعامل مع الطفل بالتخويف او التهديد بعدم الحب او التهديد بالترك او الحب بمقابل زى اكتب الواجب علشان احبك لو هناك اى شىء مما سبق فورا نتوقف عنه ونستبدله بالحب الغير مشروط يعنى الطفل يعرف ويتأكد من حب الام والاب فى كل الاوقات والظروف مهما حدث ونزود وقت الاهتمام اليومى واللعب مع الطفل واخيرا نزود اعتماده على نفسه ونشجعه لزيادة ثقته بنفسه وشعوره بلامان.