ابنى بدء يتهته بعد ولادة أخته أعمل ايه ؟

السؤال : لو سمحتوا ابني 5 سنين و حساس جدا و كنا مهتمين بيه جدا فالعيله بس من ساعه ماولدت اخته و هو اتاثر جدا بقي حزين و منطوي و بيتهته فالكلام بعد ماكان بيتكلم كويس و فالمدرسه بقي بيغلس علي اصحابه حاليا اخته عندها سنتين بس لسه التهتهه موجوده هي تهتهه نفسيه مش مشكله تخاطب بحاول اشجعه و اخصص ليه وقت اقعد معاه بس دايما حاسس ان محدش بيحبه و لو كنت كويسه معاه فتره و جيت فيوم زعقت لاي سبب ينسي كل الكويس و يقول محدش بيحبني و الكلمه دي بقت وسيله ضغط منه ببذل مجهود بس لسه مشكله التهتهه مش عايزه تروح ممكن اعمل ايه

الاخصائى :د/منى البيصلى 

الاجابه : التهتهة في 70% من الحالات سببها نفسي .. و هي عادة تبدأ بشكل مفاجئ عند تعرض الطفل للضغوط النفسية و التوتر .. و لكنها لا تنتهي فجأة و تحتاج لوقت و جهد و تدريب للتخلص منها

 اولا لابد من مراعاة طريقة تعاملنا معه و مع الطفلة الصغيرة فلا نردد ابدا كلمات مثل لا تضايقها فانت الكبير .. اختك صغيرة لا تفهم بعد .. اترك لها لعبتك ..
ثانيا الاهتمام به و الثناء عليه دائما بما يناسب سنه .. مثل الثناء علي رسوماته .. ادائه في المدرسه .. مساعدته لماما .. حب اخته له ..
ثالثا اشراكه في انشطة كثيرة حتي يشعر ان لهعالم خاص به و له فيه انجازات و نجاحات .. حتي و ان رفض في البداية علينا ان نستمر حتي يتعود
رابعا لابد من الانتظام في جلسات التخاطب لان علاج التهتهه النفسية عندما تستمر فترة طويلة لابد ان يكون بالجلسات لان الطفل اعتاد عليها و لم يعد يستطيع التخلص منها بمفرده
سادسا لابد للام من اشراك الطفل معها في كل ما يخص الاعتناء باخته الصغيرة .. و كذلك في ككل اعمال المنزل .. و تشترك هي معه في اللعب و الانشطة التي يحبها