انا ام لاول مرة ومعنديش اي خبرة قبل كده وكان ابني اول طفل اتعامل معاها في كل حاجة ساااااعدونى

السؤال :انا عندي ولد عمره سنتين وخمس شهور اتولد في الشهر الثامن ولكنه اتولد شخص طبيعي جدا وزنه كان قليل بس متحطش في الحضانة ولا يوم انا ام لاول مرة ومعنديش اي خبرة قبل كده وكان ابني اول طفل اتعامل معاها في كل حاجة كنت بقعده علي التلفزيون علي اغاني طيور الجنة من وهو صغير اوى لانها كانت بتشده اوي وانا كنت فاكرة انه كده بيتعلم وبيلقد كلام بس لما ابتدي انادى ميردش ومبقاش بينطق اصوات خالص وبقي متجهلنا شكيت انه عنده توحدوذهبت كشفت عليه عند أخصائية كبيرة في مجال التوحد وصعوبات التعلم لما كان سنه سنة واربع شهورقالتلي معندوش حاجة وقفى التلفزيون خالص واتكلمي معاه اكتر وخليه يطلب الحاجة وطلبت مني اعمله اختبار سمع بالكمبيوتر وضغط اذن وعملتهم والاثنان طلعوا مفهموش حاجةقاتلي نازليه حضانة هو محتاج يختلط مع الاطفال لانه وحيدبس انا منزلتوش حضانة الا لما تم سنة وسبع شهور وفعلا سلوكه اتغير وبيتطور لغاية دلوقتي بس ماعدا الكلام عرضته علي اخصائي تخاطب كبير لما تم سنة وعشر شهورقالي انا مقدرش ابدا معها تخاطب الا لما يتم سنتين واداني برنامج امشي عليه وهو عبارة عن العاب بلعبها معاه وبزود حصيلة الكلمات عنده هو بيقول ماما وكخ وامبوه وهم ولما تم سنتين واربع شهور جت أخصائية تخاطب في الحضانة وقالتلي انه متأخر لغويا جامد وقالتلي انها هتبتدي معاها تخاطب بس للاسف هو مكنش بيقعد وبيتحرك كتير رشحتلي اخصائية تنمية مهارات عشان تشوفه وفعلا شافته وقالتلي انه مشتت وعنده عدم تركيزبسبب التلفزيون وهيا شغالة معاه دلوقتي جلسات تنمية مهارات وقالتلي هقولك علي الوقت المناسب اللي نديله في تخاطب انا اسفة للاطالة بس هل انا كده ماشية صح