ابني مش زي كل الأطفال

السؤال

السؤال : ابنى  عمره 5 سنين و 9 شهور بيلخبط فى الضماير  بيقولي لو فضل يحكي كتير ورا بعض يلخبط هو اساسا اتاخر فى الكلام بحكم ان احنا فى بلد خليجي ومفيش اختلاط كتير  وكمان لهجات كتير لكن كان مدرك لكل كلامي بدأ يقول جملة كاملة فى سن 3 سنين و3  شهور هو حاليا كي جي تو مستواه الدراسي ممتاز كل المعلمات بيثنو عليه هو منهج امريكي لكن كل كلامي معاه فى البيت بالعربي هو طيب جدا وحنين جدا وحساس بياخد كل الكلام بحسن نية ومبيعرفش المكر زي باقي الاطفال  خجول جدامبيعرفش يدافع عن نفسه لو معرفش يعمل حاجة يعيط يعني لو كم القميص  اتكعبل ومعرفش يلبسه يعيط  لو قلتله لو فتحت الباب حكسر ايدك يفتكر اني فعلا حكسر ايده ويعيط.

أخصائى ساره جمعه

الاجابه :السلام عليكم ورحمة الله وبركاته
اهلا بيكى اختى الفاضله
تأخر الطفل ف الكلام طبيعى جدا عندما يكون مغترب مع اسرته وبطبيعة الحال لا يرى أقارب ولا اصدقاء
وهذا يستلزم مجهود اضافى من الأم لتعويض هذا النقص الاجتماعى
بتنمية مهارات طفلها عقليا واجتماعيا والتحدث معه كثيرا لتنمية قدراته اللغويه
من اهم ما يجب ان تعلمه الام لطفلها
هل انت ( ولد أم بنت ) ليستطيع التمييز بين الضمائر ( هو وهى ) و(انا وانت)
وذلك يأتى بالتحدث مع الطفل كثيرا وان تحكى الام لطفلها حكايات كثيره
وطبيعى ان الاطفال يختلط عليها الضمائر حتى تعتادها
اما بالنسبه لفهمه المباشر للكلام فهذا طبيعى نتيجه لعدم تعرضه لتجارب وتعامل مع اطفال اكبر منه او من نفس عمره قبل المدرسه
ولحل هذه المشكله تحدثى معه كثيرا
ولا تستخدمى الجمل الغير مباشره التى تخيفه .. واستخدمى معه الكلمات التى تعزز ثقته بنفسه ( انت هتقدر تلبس لوحدك ) ( حاول مره كمان وهتعرف ) ( انت شاطر وانا متأكده انك هتعرف تعمل كذا لوحدك ) لازم تتركيه يعتمد على نفسه ويثق بها حتى يكون له شخصيه مستقله ولا يعتمد عليكى .. ادعميه بالكلام الايجابى وتحدثى معه كثيرا
بارك الله فى ابنك .. وجعله ذريه صالحه

بانتظار الحل 0
امة الله 7 سنوات 1 إجابة 4462 مشاهدات

إجابة ( 1 )